2020-cı ildə Azərbaycan Dövlət Aqrar Universitetinin Aqronomluq fakültəsinin bakalavr təhsilini başa vurmuşam. 2022-ci ildə isə magistr təhsilimi uğurla tamamlamışam. Hazırda Meyvəçilik və Çayçılıq Elmi-Tədqiqat İnstitutunda böyük elmi işçi vəzifəsində və özəl şirkətində aqronom kimi fəaliyyət göstərirəm.Eyni zamanda meyvə bağlarının salınması, idarə olunması və məhsuldarlığın artırılması istiqamətində fermerlərə peşəkar dəstək verirəm. Bağlarda görülən bütün aqrotexniki tədbirlərin planlaşdırılması və nəzarətini həyata keçirirəm. Bunlara torpaq analizi və düzgün gübrələmə proqramının hazırlanması, suvarma sisteminin tənzimlənməsi, budama işlərinin təşkili, xəstəlik və zərərvericilərə qarşı mübarizə tədbirlərinin seçilməsi və tətbiqi daxildir. Məqsədim fermerlərə elmi əsaslara söykənən, praktik və effektiv həllər təqdim etməklə daha keyfiyyətli və bol məhsul əldə etmələrinə kömək etməkdir. Hər bir bağa fərdi yanaşaraq, mövcud vəziyyətə uyğun optimal aqrotexniki plan hazırlayıram və onun icrasını nəzarətdə saxlayıram.