Azərbaycan Dövlət Agrar Universitetinin aqronomluq üzrə həm bakalavr, həm də magistr təhsilini tamamlamışam. Əsasən çoxillik intensiv və super intensiv meyvə bağlarının (badam, zeytun, xurma, armud, heyva və s.) sıfırdan qurulması, becərilməsi və idarə edilməsi sahəsində 10 ildən artıq peşəkar təcrübəyə sahibəm. Fəaliyyətim dövründə Şəmkir Agropark MMC-də Aparıcı Aqronom və Grand Agro MMC-də Sahə Aqronomu kimi böyükmiqyaslı layihələri idarə etmişəm. İsraildə yerləşən AICAT (Arava International Center for Agricultural Training) mərkəzində intensiv bağçılıq, damcılı suvarma və qabaqcıl aqrotexnoloji metodlar üzrə praktiki təhsil alaraq beynəlxalq təcrübə qazanmışam. Müasir kənd təsərrüfatı trendlərini yaxından izləyirəm; sahələrin monitorinqi, NDVI analizləri və bitki mühafizəsi məqsədilə innovativ Dron Texnologiyaları (həm operator, həm də pilot olaraq) üzrə peşəkar sertifikatlara sahibəm. Qəbul etdiyim bu yolda torpaq hazırlığından tutmuş tam məhsul yığımınadək bitki qidalanması, aqrokimyəvi tətbiqlər, xəstəlik və zərərvericilərlə inteqrasiya olunmuş mübarizə proqramlarının (IPM) tərtibini tam mənimsəmişəm. TapAgro platforması vasitəsilə fermerlərə müasir texnologiyalara əsaslanan konsaltinq xidmətləri göstərməyə və təsərrüfatların məhsuldarlığını maksimuma çatdırmağa hazıram.